Dr.KASIGARI PRASAD

ఒక్కో వ్యక్తి ఒక్కో విధంగా ఉంటారు. కొందరి స్వభావం చాలా సున్నితంగా ఉంటే మరి కొందరు చాలా కోపంగా, ఎప్పుడూ చిరాకుగా కనిపిస్తుంటారు. ఇంతే కాకుండా నడవడిక, ప్రవర్తన ఇలా అన్నింటిలోనూ ఒకొక్కరూ ఒక్కో రకంగా ఉంటుంటారు. అయితే ఒక వ్యక్తి క్యారెక్టర్ అంత ఈజీగా చెప్పలేం. కానీ వారు పెన్ను పట్టుకునే విధానమే తమ మనస్తత్వం చెబుతుంది అంటున్నారు నిపుణులు. అది ఎలానో ఇప్పుడు తెలుసుకుందాం.
 
చూపుడు వేలు,మధ్య వేలుతో పెన్నుపట్టుకునే వ్యక్తులు చాలా సున్నితంగా ఉంటారంట. అంతేకాకుండా వారు ప్రతి విషయాన్ని చాలా రహస్యంగా ఉంచడానికి ఎక్కువ ఇష్టపడుతారు. కొత్త విషయాలను నేర్చుకోవడానికి ఎక్కువ ఆసక్తి కనబరుస్తారంట.
 
బొటన వేలు ముందుకు ఉంచి పెన్ను పట్టుకునే వారు ఒత్తిడితో కూడిన జీవితాన్ని అనుభవిస్తారంట. వీరు తమకు సహాయం చేసిన వ్యక్తులను ఎప్పటికీ మర్చిపోరు, అలాగే వీరు ఎక్కువ భావోద్వేగానికి లోను అవుతారు.
 
బొటన వేలు, చూపుడు వేలు మధ్య పెన్ను పట్టుకునే వ్యక్తులు చాలా దయగల వారంట. వీరు త్వరితగతిన నిర్ణయాలు తీసుకోరు.ఎప్పుడూ సంతోషంగా ఉండటానికి ఎక్కువ ఆసక్తి చూపిస్తుంటారు.
 
చూపుడు వేలు మధ్య వేలుతో పెన్ను పట్టుకునే వ్యక్తులు ఇతరులను ఎక్కువ ఆకర్షిస్తారు. వీరు ప్రతి ఒక్కరికీ గౌరవం ఇస్తారు. అంతే కాకుండా అబద్ధాలు ఆడటానికి ఇష్టపడరు. నిజాయితీగా ఉంటారు.
 
బొటన వేలును నిటారుగా ఉంచి పెన్ను పట్టుకునే వ్యక్తులు చాలా ఆకర్షణీయంగా ఉంటారు. వీరు ఎప్పుడూ నవ్వుతూ చాలా సంతోషంగా ఉంటారు.